50 raste të reja me Covid – Shpërndarja në 9 qytete të vendit
Në komunikimin e përditshëm të Ministrisë së Shëndetësisë, është bërë me dije se gjatë 24 orëve të fundit janë testuar 333 qytetarë ku kanë rezultuar pozitiv 50 raste të reja, duke e çuar në 1722 numrin total të të infektuarve në të gjithë vendin.
Rastet e reja janë përkatësisht: 11 raste në Tiranë,12 raste në Shkodër, 6 raste në Krujë, 4 raste në Durrës, 7 raste në Vlorë, 5 raste në Korçë nga 2 raste në Pukë dhe Kurbin dhe 1 rast në Lushnjë
Aktualisht në dy spitalet Covid janë të shtruar 53 pacientë ku 9 prej tyre janë në terapi intensive dhe 3 pacient janë në intubim, ndërsa rastet e tjera po monitorohen nga mjeku i familjes.
Gjatë 24 orëve të fundit janë shëruar 13 pacientë, duke e çuar në 1077 numrin total të tyre dhe ka akoma dhe 608 raste aktive.
Ministria e Shëndetësisë dhe Mbrojtjes Sociale apelon për qytetarët që të vazhdojnë të respektojnë distancimin fizik dhe të mbajnë higjienën personale, po ashtu bizneset e hapura të respektojnë me rigorozitet protokollet e sigurisë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.