50 shtete firmosin traktatin e Kombeve të Bashkuara për të ndaluar armët bërthamore. Hyn në fuqi në 2021
Kombet e Bashkuara njoftuan të Shtunën se 50 vende kanë ratifikuar një traktat për të ndaluar armët bërthamore duke shkaktuar hyrjen e saj në fuqi në 90 ditë, një veprim i përshëndetur nga aktivistët anti-bërthamorë por kundërshtuar fuqimisht nga Shtetet e Bashkuara dhe fuqitë e tjera të mëdha bërthamore.
Që nga e Premtja, traktati kishte 49 nënshkrues dhe Kombet e Bashkuara thanë që ratifikimi i 50-të nga Hondurasi ishte marrë.
Sekretari i Përgjithshëm i Kombeve të Bashkuara, António Guterres përgëzoi 50 shtetet dhe përshëndeti “punën instrumentale” të shoqërisë civile në lehtësimin e negociatave dhe nxitjen për ratifikim, tha zëdhënësi i KB Stephane Dujarric.
Shefi i KB tha se hyrja në fuqi e traktatit në 22 janar 2021, kulmon një lëvizje mbarëbotërore “për të tërhequr vëmendjen për pasojat katastrofike humanitare të çdo përdorimi të armëve bërthamore” dhe “është një haraç për të mbijetuarit e shpërthimeve dhe provave bërthamore, shumë prej të cilëve e mbrojtën këtë traktat, “tha ai.
Guterres tha se traktati “përfaqëson një angazhim kuptimplotë drejt eliminimit total të armëve bërthamore, e cila mbetet përparësia më e lartë e çarmatosjes së Kombeve të Bashkuara”, tha Dujarric.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.