563 raste të reja me Covid-19, MSH: “8 persona humbën jetën dhe u shëruan 150 qytetarë”

Vijojnë të jenë të larta shifrat e viktimave dhe infektimeve me Covid-19. Sipas Ministrisë se Shëndetësisë, gjatë 24-orëve të fundit janë regjistruan 8 viktima, mes tyre edhe një 33 vjeçare nga Lushnja, pa sëmundje bashkëshoqëruese. Ministria e Shëndetësisë njofton se është rritur edhe numri i testimeve, pasi janë kryer 2723 testime dhe 563 persona kanë rezultuan pozitivë.

Tirana vijon të ketë numrin më të lartë të infektimeve, me 255 raste të reja, më pas vjen Gjirokastra me 56 raste dhe Shkodra me 43 raste. Në anën tjetër janë shëruar 150 qytetarë. Aktualisht në 3 spitalet COVID, po trajtohen 367 pacientë, 15 në terapi intensive, nga të cilët 3 të intubuar.

Ministria e Shëndetësisë dhe Mbrojtjes Sociale ju bën thirrje të gjithë qytetarëve të respektojnë rregullat e higjienës, distancimit fizik dhe mbajtjen e maskës në çdo ambient jashtë shtëpisë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.