6 ditë pushim më shumë në vit për punonjësit jo duhanpirës

Një kompani japoneze ka dalë me nxitjen më të madhe ndonjëherë që punonjësit e saj të lënë cigaren duke ju ofruar gjashtë ditë pushime shtesë në vit, nëse arrijnë të lënë duhanin.

Sipas Telegraph, kompania Piala Inc do t’u japë të gjithë punonjësve jo duhanpirës gjashtë ditë shtesë  pushime të paguara çdo vit për shkak se ata punojnë një orë më shumë se sa kolegë e tyre që nuk konsumojnë duhan.

E gjithë kjo vjen si pasojë e pushimeve të gjata që njerëzit kanë tendencë të marrin disa herë në ditë për të konsumuar duhan.

Kompania e mori këtë vendim për politikën e pushimeve pasi një grup punonjësish jo duhan pirës u ankuan për këtë çështje.

“Një prej punonjësve tanë jo duhanpirës dërgoi një mesazh në kutinë e sugjerimit të kompanisë duke thënë se ndërprerjet për pirjen e duhanit po shkaktonin probleme,” tha  Hirotaka Matsushima, një zëdhënëse e kompanisë. ”

“Kështu që ne po u japim jo duhanpirësve disa kohë shtesë për të kompensuar”, tha ajo.

Por përtej dhënies së një shpërblimi për jo-duhanpirësit, kompania shpreson që edhe ditët shtesë të shihen si një nxitje për të tjerët që të lënë zakonin.

V.H/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.