60.000 euro grabitje, ‘të lara’ në bizhuteri- Policia kap autorët, drejt ekstradimit në Itali

Interpol Tirana, në bashkëpunim me Interpol Roma ka arrestuar 3 shtetas shqiptar për veprën penale “Organizatë kriminale”, “Vjedhje me armë, kryer në bashkëpunim”, “Mbajtja pa leje e armëve të zjarrit” dhe “Mbajtja e sendeve të vjedhura”, parashikuar nga Kodi Penal Italian.

Shtetasit me iniciale B.GJ, 38 vjeç, Q.A, 32 vjeç u arrestuan në Dibër nga Policia e Dibrës, ndërkohe shtetasja me iniciale H.R, 49 vjeç u arrestua në Fiano Romano, Itali.  Të tre, në bashkëpunim me njëri tjetrin, rreth tre muaj më parë kanë kryer vjedhje me armë në Fiano Romano në Itali, nga janë larguar me 60 mijë euro dhe një sasi bizhuterish.

Interpol Tirana, në bashkëpunim me Interpol Roma po vijojnë procedurat për ekstradimin drejt Italisë të dy shtetasve të kapur dhe arrestuar nga Policia e Dibrës.

Jenida Vladi/ SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.