61 gjoba për privatësinë – Dervishi: Arsimi dhe shëndetësia, sektorët më problematikë

61 subjekte private dhe shtetërore janë ndëshkuar me gjoba gjatë viti që lamë pas për shkak se kanë shpërdoruar të dhënat personale të individëve. Komisioneri Për të Drejtën e Informimit dhe Mbrojtjen e Të Dhënave Personale ka  prezantuar raportin vjetor në Komisionin Parlamentar të Çështjeve Ligjore, ku theksoi se sektorët më problematikë mbeten arsimi dhe shëndetësia.

Deputetët kanë ngritur si shqetësim edhe abuzimin që bëhet me privatësinë nga portalet, ndërsa Komisineri Dervishi ka theksuar se është e vështirë që të ndiqet kjo fushë pasi nuk ka një kuadër ligjor të caktuar dhe se shumica prej tyre janë të paregjistruara.

Elisabeta Dosku/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.