66 raste të reja me Covid – Numër i lartë i të infektuarve në Tiranë
Në komunikimin e përditshëm të Ministrisë së Shëndetësisë, është bërë me dije se gjatë 24 orëve të fundit janë testuar 280 qytetarë ku kanë rezultuar pozitiv 66 raste të reja, duke e çuar në 1788 numrin total të të infektuarve në të gjithë vendin.
Rastet e reja janë përkatësisht: 32 raste në Tiranë,12 raste në Krujë, 7 raste në Vlorë, 6 raste në Durrës, nga 3 raste në Shkodër dhe Fier, si dhe nga 1 rast në Tropojë, Lezhë dhe Elbasan.
Gjatë 24 orëve të fundit ka ndërruar jetë një pacient 67 vjeçar nga Shkodra si pasoj e sëmundjeve shoqëruese.
Aktualisht në dy spitalet Covid janë të shtruar 55 pacientë ku 8 prej tyre janë në terapi intensive dhe 2 pacient janë në intubim, ndërsa rastet e tjera po monitorohen nga mjeku i familjes.
Gjatë 24 orëve të fundit janë shëruar 9 pacientë, duke e çuar në 1086 numrin total të tyre dhe ka akoma dhe 663 raste aktive.
Ministria e Shëndetësisë dhe Mbrojtjes Sociale apelon për qytetarët që të vazhdojnë të respektojnë distancimin fizik dhe të mbajnë higjienën personale, po ashtu bizneset e hapura të respektojnë me rigorozitet protokollet e sigurisë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.