67 raste të reja me Covid – Ndërron jetë një paciente 34 vjeçare
Në komunikimin e përditshëm të Ministrisë së Shëndetësisë, është bërë me dije se gjatë 24 orëve të fundit janë testuar 347 qytetarë ku kanë rezultuar pozitiv 67 raste të reja, duke e çuar në 2114 numrin total të të infektuarve në të gjithë vendin.
Rastet e reja janë përkatësisht: Krujë 18 raste,16 raste në Tiranë, 10 raste në Shkodër, 6 raste në Vlorë, nga 2 raste në Kukës, Lezhë, Kurbin, Lushnje si dhe nga 1 rast në Durrës, Fier, Korçë, Kavajë, Rrogozhinë, Tropojë, Berat, Vau i Dejës dhe Divjakë.
Ministria e Shëndetësisë ka njoftuar se gjatë 24 orëve të fundit ka ndërruar jetë një paciente 34 vjeçare për shkak të gjendjes së rëndë dhe sëmundjeve të tjera shoqëruese.
Aktualisht në dy spitalet Covid janë të shtruar 82 pacientë ku 14 prej tyre janë në terapi intensive, ndërsa rastet e tjera po monitorohen nga mjeku i familjes.
Gjatë 24 orëve të fundit janë shëruar 22 pacientë, duke e çuar në 1217 numrin total të tyre dhe janë akoma 850 raste aktive.
Ministria e Shëndetësisë dhe Mbrojtjes Sociale apelon për qytetarët që të vazhdojnë të respektojnë distancimin fizik dhe të mbajnë higjienën personale, po ashtu bizneset e hapura të respektojnë me rigorozitet protokollet e sigurisë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.