69 raste të reja me Covid – Numër i lartë i të prekurve në ndërmarrje dhe subjekte tregtare
Në komunikimin e përditshëm të Ministrisë së Shëndetësisë, është bërë me dije se gjatë 24 orëve të fundit janë testuar 319 qytetarë ku kanë rezultuar pozitiv 69 raste të reja, duke e çuar në 1590 numrin total të të infektuarve në të gjithë vendin.
Rastet e reja janë përkatësisht: 28 raste në Tiranë,16 raste në Shkodër,8 raste në Krujë, 6 raste në Vlorë, 5 raste në Durrës, 2 raste në Elbasan, dhe nga 1 rast në Kamëz, Pukë, Lushnjë dhe Mallakastër.
Aktualisht në dy spitalet Covid janë të shtruar 50 pacientë ku 7 prej tyre janë në terapi intensive dhe një pacient në intubim, ndërsa rastet e tjera po monitorohen nga mjeku i familjes.
Gjatë 24 orëve të fundit janë shëruar 11 pacientë, duke e çuar në 1055 numrin total të tyre dhe ka akoma dhe 499 raste aktive.
Ministria e Shëndetësisë dhe Mbrojtjes Sociale apelon për qytetarët që të vazhdojnë të respektojnë distancimin fizik dhe të mbajnë higjienën personale, po ashtu bizneset e hapura të respektojnë me rigorozitet protokollet e sigurisë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.