7 ankande të reja për godina të ndërtuara gjatë periudhës së komunizmit! Në listë një shkollë, godina e këshillit qendror, magazina e objekte

Drejtoria e Pronës Shtetërore në Ministrinë e Financave ka hapur procedurat e ankandit për objekte të ndërtuara para viteve ’90 që do të kalojnë për privatizim. Ankandet do të zhvillohen me datën 8 janar në ambientet e Ministrisë së Financave. Një pjesë e pronave nuk dalin për herë të parë në ankand, pasi edhe gjatë muajit nëntor të këtij viti ka pasur përpjekje për shitjen e tyre.

Në listë objekte të agjencisë së Duhan Cigareve në Cërrik, ish-Këshilli Popullor në Bajram Curri, një magazinë qendrore në Memaliaj, objekte të Drejtorisë së Rezervave Materiale të Shtetit në Berat, 5 objekte e kapanone në Dibër, një ish shkollë në Kolonjë dhe një magazinë ambalazhi në Bajram Curri.

Të interesuarit duhet që krahas kërkesës të kenë me vete edhe një dokument identifikimi dhe garancinë bankare që vërteton ngurtësimin e 20 % të vlerës fillestare të ankandit.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.