7 gjerat që nuk duhet t’i tregoni fëmijës rreth parasë

Shumë fëmijë janë të pakuptueshëm kur vjen puna tek vlerësimi i parasë.

Por meqenëse sjellja, qëndrimi dhe njohuritë e përgjithshme rreth parasë vijnë nga prindërit, përgjegjësia e të mësuarit bie mbi “shpatullat” e mamit dhe të babit.

Kur vjen puna tek paratë, ka disa gjëra që fëmijët nuk janë gati t’i përvetësojnë. Më poshtë jepet lista e “Kobliner” për gjërat që nuk duhet t’i ndani me fëmijët.

-Sa para ju bëni?

Kobliner sqaron se nuk duhet të ndani me fëmijët se sa para ju merrni, 100 mije apo 1 milion, por duhet t’i jepni atij kontekstin nëse ju pyet.

P.sh, ju mund t’i thoni sesa është mesatarja e të ardhurave për një familje në shtetin tuaj, p.sh. 10-12 milionë lekë në vit për një familje dhe më pas mund t’i tregoni se ku ju qëndroni rreth kësaj shifre, p.sh. pak më shumë ose pak më pak.

Ju nuk keni pse t’ia fshihni fëmijës nëse ju pyet, por gjithashtu duhet ti tregoni fëmijës se familja fiton pak a shumë si të gjithë familjet e tjera.

-Kush prind fiton më shumë?

Në një familje, ju nuk duhet të shpallni se kush është ai që sjell më shumë të ardhura. Duke shprehur me shifra se sa babai apo nëna fiton, ju mund të perceptoni tek fëmija se kush prind është duke kontribuar më shumë dhe se kush është më i rëndësishëm.

Kur rriten fëmijët, është e natyrshme që ju mund t’i tregoni se kush zanat sjell më shumë të ardhura, p.sh. një mjek apo një mësues.

-Kush ju ka borxh

Paraja është shpesh një vegël pse familjet nuk funksionojnë. Kobliner shprehet se është mirë që fëmija juaj të mos përzihet. Nëse një i afërmi juaj ju ka para borxh, p.sh. daja ose xhaxhai, nëse e shprehni atë para fëmijës, me shumë mundësi ai do ta mbajë mend gjatë këtë informacion pavarësisht nëse ju është kthyer borxhi.

Është e rëndësishme të edukoni fëmijët tuaj se në disa raste mund t’i jepen të afërmeve të familje disa para borxh, por mos e përdorni me shembuj konkret.

-Sa para e paguani dadon?

Nëse keni punësuar një dado për fëmijët, mbajëni konfidencial informacionin. Është një informacion I parëndësishëm për fëmijën tuaj.

-Sa para keni shpenzuar për një dhuratë?

Fëmijët shpeshherë janë një-dimensional. Ata nuk mendojnë për kostot sesa për kënaqësinë e të dhënit apo të marrit të një dhurate. Të përmendurit e një çmimi do t’i ngatërrojë në perceptimin e parasë

-Sa shumë jeni të shqetësuar për të paguar shkollën e fëmijës?

Të çuarit e fëmijës në një shkollë është një nga pikat më krenare të një prindi, por të gjeturit e mënyrave për ta përballuar shkakton një lloj ankthi.

Është mirë të mos e përfshini fëmijën në bisedime, deri sa ata rriten për në shkollë të lartë. Shmangia e bisedave të tilla është një barrë më pak për fëmijën tuaj.

Nëse prioritet për fëmijën tuaj është ruajtja e parave për një shkollë të mirë, atëherë kjo është një bisedë që mund t’ia bëni të ditur fëmijës.

Ada Xhagolli/RTV SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.