7 mënyra si të kursejmë para e të menaxhojmë financat personale

Të kursesh para është stresuese, por sigurisht është diçka që nuk e evitojmë dot. Ka disa arsye kryesore pse njerëzit në ditët e sotme nuk munden të kursejnë para. Një nga këto arsye, e cila është dhe më kryesorja është fakti që njerëzit me shtimin e parave të tyre rrisin dhe standardin e jetesës.

Nëse të ardhurat rriten njëkohësisht rriten edhe shpenzimet, por kjo nuk duhet të funksionojë kështu. Nëse doni ti vini qëllim vetes tuaj për të kursyer para duhet të krijoni disa barriera që t’ju pengojnë, sa herë t’ju shkojë mendja për ndonjë një blerje që nuk është e domosdoshme. Këtu do të gjeni disa mënyra të thjeshta se si të kurseni para.

1. Krijoni një kalendar financiar

Nëse keni probleme me pagimin e  faturave tuaja, atëherë një kalendar financiar është fiks për ju. Mund të planifikoni vizitat tuaja në një mjek, dentist, apo mekanik makinash dhe të hiqni lekët mënjanë për të gjitha këto shpenzime, duke ju referuar kështu kalendarit financiar që keni krijuar. Mund të duket qesharake por është një mënyrë mjaft e mirë për menaxhimin e financave tuaja.

2. Vendosini vetes qëllime financiare

Është një ide shumë e mirë të jeni sa më specifik të mundeni kur vjen puna për të vendosur se cilat janë qëllimet tuaja në lidhje me financat. Nëse keni disa gjëra specifike të cilat doni ti përmbushni atëherë bëni një listë vendosni afate dhe filloni ta zbatoni.

3. Paguani të gjitha borxhet që mund të keni

Nëse keni borxhe qoftë edhe të vogla, ka ardhur momenti ti shlyeni të gjitha. Një bilanc me 0 borxh do t’ju ndihmonte shumë të ecnit përpara me kursimin e parave tuaja.

4. Gjeni një shok që ka të njëjtat qëllime me ju

Të gjeni një shok që ka të njëjtën mënyrë të menduari me ju për sa i përket parave do t’ju ndihmonte shumë. Zgjidhni dikë të përgjegjshëm që t’ju mbajë dhe ju nën kontroll kur të tundoheni për të bërë blerje. Do të shikoni që do t’ju ndihmojë shumë.

5. Negocioni çdo blerje

Duke filluar që nga blerjet e vogla e duke vazhduar deri te ato më të mëdhatë, mos kini turp të negocioni. Nëse mësoni disa strategji negocimi dhe ti zbatonit ato në jetën tuaj të përditshme, do të ishte fantastike.

6. Mbani një fond emergjence

Ju ndodh të gjithëve, mund të humbisni punën, mund t’ju lërë makina në mes të rrugës dhe krejt papritur t’ju nevojitet një shumë e madhe parash. Nëse nuk keni menduar për këtë ditë, atëherë këto nuk do ju ndodhen në momente të vështira. Nëse e keni tashmë një fond emergjence përpiquni ta rrisni edhe më shumë kapitalin në të.

7. Ruani momentin e uljeve

Blerjet nuk mund të evitohen në mënyrë absolute, do jetë gjithmonë nevoja për të blerë disa produkte që mund janë të domosdoshme ndaj përpiquni të kapni rastin më të mirë për të bërë blerjen tuaj. Mund ta përfitoni atë produkt me çmim të mirë e të ruani goxha para.

Viola Hydi/ SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.