700 milionë euro mbështetje për SME-të në Greqi
Investimet prej 700 milion eurosh pwr ndërmarrjet e vogla dhe të mesme në Greqi do të mbështeten nga Banka Piraeus, e mbwshtetur dhe nga Banka Europiane e Investimeve (EIB), Fondi Europian i Investimeve (EIF) dhe Banka Europiane për Rindërtim dhe Zhvillim (EBRD).
Kjo përfaqëson lëshimin e parë të obligacioneve të mbuluara nga Piraeus Bank dhe herën e parë që organizatat financiare ndërkombëtare kanë investuar në obligacione të mbuluara nga bankat greke që nga fillimi i krizës financiare.
Pireaus Bank do të lëshojë një obligacion të ri 5 vjeçar me vlerë 500 milionë euro në tetor të 2017 që do të fillojë nën programin e mbuluar të Bankës së Piraeus prej 10 miliardë eurosh.
Christos Megalou, Drejtor Ekzekutiv i Bankës Piraeus, theksoi se:“Banka Piraeus, banka më e madhe në Greqi, është e angazhuar strategjikisht për të marrë një rol udhëheqës në rinisjen e ekonomisë greke duke mbështetur sipërmarrjen private greke. Si huadhënës më i madh në sektorin e biznesit, ajo fokusohet në ndërmarrjet e vogla dhe të mesme (SME), që janë shtylla kurrizore e ekonomisë greke. Piraeus Bank zotëron aftësitë dhe burimet e nevojshme për të ofruar zgjidhjet financiare në dispozicion për përfitimin e klientëve të saj, për të ndihmuar SME-të për të kapërcyer rezultatet e recesionit dhe për t’u bërë një forcë shtytëse për rritjen dhe punësimin. Piraeus Bank, duke zgjeruar bashkëpunimin e tij ekzistues me organizatat ndërkombëtare, EIB, EIF dhe BERZH, ka nënshkruar sot dy kontrata me vlerë 500 milionë euro për të financuar SME-të, në të gjithë sektorët e ekonomisë “.
Në ceremoninë e nënshkrimit që u zhvillua sot në selinë e Bankës Piraeus, Μr. Werner Hoyer, kryetar i Bankës Evropiane të Investimeve, komentoi:
“Duke përfaqësuar mbështetjen më të madhe të Grupit të EIB për investimet e bizneseve të vogla në Greqi, ky transaksion rekord demonstron mbështetjen e përforcuar të Grupit të EIB për kompanitë anembanë vendit që kërkojnë të zgjerohen.
Mbështetur nga Plani i Investimeve për Europën, kjo do të lejojë që kompanitë e përfshira në turizëm, prodhim dhe shërbime të përparojnë.
Kjo nismë e re për ndërmarrjet e vogla dhe të mesme ndjek programin prej 1 miliard eurove të nisur vitin e kaluar në bashkëpunim me Pireun dhe bankat e tjera greke. “
Banka Europiane e Investimeve do të ofrojë 350 milion euro sipas Planit të Investimeve për Europën dhe Fondi Europian i Investimeve do të ofrojë 50 milion euro shtesë që ofron fonde afatgjata për klientët e Bankës Piraeus.
V.Hydi/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.