71 mln refugjatë në vitin 2018 – UNHCR: Kriza e vërtetë po ndodh në vendet në zhvillim
Pavarësisht retorikës populiste në Perëndim, kriza e vërtetë e refugjatëve po ndodh në vendet në zhvillim, që mbajë një nivel rekord prej 70.9 milionë emigrantësh që i janë larguar persekutimit, sipas Organizatës së Kombeve të Bashkuara. Gjysma e personave që janë detyruar të largohen nga vendi i tyre janë fëmijë dhe për 2018-ën, numri total është më i larti në 70 vite, sipas raportit “Global Trends”, të agjencisë së refugjatëve të Kombeve të Bashkuara.
Shifra nuk përfshin 4 milionë venezuelanë që janë larguar që prej vitit 2015. Kjo vjen për shkak se venezuelanëve nuk i duhen viza apo aplikim për azil që të qëndrojnë në vendet mikpritëse. Nëse fluksi vazhdon, një total prej 5 milionë venezuelanësh do të jenë larguar deri në fund të vitit. Filippo Grandi, Komisioneri i Lartë i Kombeve të Bashkuara për Refugjatët, bëri thirrje për një zgjidhje politike për vendin.
Venezuelanët që arrijnë në Kolumbi, Peru dhe Ekuador, kanë formuar fluksin e dytë më të madh të emigrantëve pas sirianëve që shkojnë në Turqi. Presidenti i SHBA, Donald Trump, ka kthyer në objektiv ndalimin e emigrimit të jashtëligjshëm në kufirin me Meksikën.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.