8 gjëra që mësoni kur jetoni vetëm për herë të parë
- Nuk shqetësoheni për askënd
Ju nuk keni askënd që duhet t’i merrni mendime për faturat që kanë ardhur, për mënyrën se si i keni vendosur rrobat apo për të zgjedhur kanalin që dëshironi të shikoni në TV. Nëse shtëpia ju pëlqen ashtu, nuk keni përse ta prishni qetësinë.
- Filloni të preferoni shtëpinë më shumë se të dilni jashtë
Kur dikush ju ofron të dilni në një bar apo për të kaluar një natë me miqtë tuaj, ju do të kërkoni të rrini më shumë në shtëpi sepse më në fund keni lirinë dhe e gjithë shtëpia është e juaja, prandaj duhet ta shijoni.
- Mësoheni se si të bëheni financiarisht të pavarur
Në fund të muajit faturat papritmas ju duken tepër të mëdha. Do t’ju duket diçka që do ju trembë shumë por duke marrë këtë përgjegjësi mbi supe dhe duke kursyer do ia dilni të menaxhoni gjithçka.
- Përpiqeni të mbushni shtëpinë tuaj
Nëse keni një shoqëri të zgjeruar, ndodh shpesh që disa nga ato të kenë mobilie të ndryshme që nuk i përdorin, ju do të negocioni me ta që t’i merrni dhe të mbushni shtëpinë tuaj, në mënyrë që të ndiheni sa me komodë. Pra, duhet një kohë e gjatë për të marrë të gjitha mobiliet që i duhen shtëpisë.
- Është e dhimbshme të gatuash për një person
Që në momentin që ju vazhdoni të jetoni vetëm ju duhet të gatuani çdo vakt vetëm për veten tuaj, kjo gjë mund të bëhet tepër e bezdisshme për ju.
- Nëse nuk i bëni ju nuk do i bëj askush tjetër
Nëse e keni kaluar tërë ditën në punë dhe shkoni në shtëpi dhe nuk keni asgjë të gatuar, vendi nuk është i pastruar, mbeturinat nuk janë të hedhura apo llamba nuk është ndërruar duhet ta dini se nëse nuk i bëni ju këto atëherë askush tjetër nuk do të merret.
- Të jesh sëmurë është absolutisht gjëja më e keqe
Kur jeni në shtëpinë e prindërve tuaj dhe ndiheni të sëmurë, keni të gjithë vëmendjen dhe gjithçka e keni gati në shtratin tuaj që nga ushqimi e deri tek ilaçet. Por kur ju jetoni vetëm do shikoni që kjo nuk funksionon. Nëse nuk ka ilaçe në shtëpi atëherë duhet të çoheni dhe ti merrni vetë, nuk do të keni mamanë qe të kujdeset për gjithçka.
- Do të befasoheni nga vetja
Ju mund të jeni ndjerë gjithmonë të pjekur dhe të rritur, por asgjë nuk e provon më shume se sa të jetuarit vetëm. Mund të keni rastin që të përballeni me shume problematika, brenda shtëpisë si dhe jashtë dhe me zgjidhjen që do iu jepni do të befasoheni nga vetja juaj.
Përgatiti: Ylber Shehu/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.