8 Marsi në Shqipëri – Mesazhet dhe festimet ndryshe nga gratë dhe politikanët
Dita e 8 Marsit është përkujtuar më mënyra të ndryshme në Shqipëri. Kryeministri Edi Rama bashkë me bashkëshorten e tij, Linda Rama morën pjesë në një takim me gra përfaqësuese nga fusha e biznesit, politikës, medias etj.
Në këtë ceremoni u evidentua ngritja e rolit përfaqësues të grave në sipërmarrje dhe në politikë. Nga ana e tij lideri i opozitës, Lulzim Basha mori pjesë në një takim me gra dhe deputete në çadrën e ngritur para Kryeministrisë.
Basha tha se 8 Marsi është një ditë proteste dhe përkujtimi në të gjitha vendet ku gratë nuk i kanë të garantuara të drejtat e tyre, dhe se qeveria aktuale ka një bilanc negative në këtë drejtim. 8 Marsi njihet si “Dita Ndërkombëtare e Gruas”.
Që prej mbledhjes Socialiste Ndërkombëtare në Kopenhagën më 1910, kjo ditë përkujtohet si ditë feste dhe proteste në vende të ndryshme të botës, për të drejtat e grave dhe për ti mbështetur në njohjen e statusit të tyre në shoqëri.
Florenc Drizari/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.