826 mijë studentë të huaj në Itali, po sa janë shqiptarë?

Janë 826 mijë studentë të huaj që ulën në tavolinat e shkollave në Itali, që përbëjnë edhe 9.4% të totalit të studentëve, duke u rritur me 11 mijë më shumë se vitin e kaluar.

Përqindja e meshkujve (52%) në krahasim me femrat (48%) është pak më e lartë. 61% e tyre kanë lindur në Itali. Në vitin e fundit rritja e studentëve të huaj ishte me 24 mijë (5.1%). Përqindja e lindjeve në Itali në numrin e përgjithshëm të nxënësve me shtetësi jo italiane është 85% në çerdhe, 73.4% në arsimin fillor, 53.2% në shkollat e mesme, 27% në atë të nivelit të dytë.

Lombardia është edhe rajoni me më shumë studentë të huaj, (rreth 208 mijë), rreth një e katërta e totalit të pranishëm në Itali. Pjesa më e vogël rezulton e regjistruar në Campania, sipas raportit të publikuar sot në faqen zyrtare të Ministrisë së Arsimit në Itali.

19.2% e këtyre studentëve janë nga Rumania, me përqindjen më të lartë, ndjekur nga Shqipëria. Rreth 13% e studentëve shqiptarë mësojnë në shkollat italiane, duke e renditur vendin tonë në listën e 10 shteteve me numrin më të lartë të studentëve që shkollohen në Itali.

Më pas në listë vjen Maroku (12.4%), Kina (6%), Filipinet (3.3%), India dhe Moldavia (3.1% respektivisht), Ukraina, Pakistani dhe Egjipti (të gjitha me 2.4%).

G.D/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.