83% e gazit natyror në BE e importuar në vitin 2021 – Vendet europiane përdorën ndjeshëm rezervat e tyre të mëparshme përgjatë këtij viti

Në vitin 2021, shkalla e varësisë së importit të gazit natyror të BE-së ishte 83%. Kjo është 1 pikë përqindje (pp) më pak se 2020 (84%). Kjo rënie e vogël e varësisë nga importi u ndikua ndjeshëm nga fakti se shumica e shteteve anëtare të BE-së përdorën rezervat e gazit natyror që ishin importuar në vitet e mëparshme. Në fakt, rënia e rezervave të gazit natyror në vitin 2021 ishte më e madhja që nga fillimi i serive kohore (2008).

Shteti anëtar i BE-së me varësinë më të lartë nga importet e gazit natyror në vitin 2021 ishte Malta (104%), e ndjekur nga Suedia (102%) dhe Lituania (101%), të cilat kanë rritur stoqet e tyre. Nga ana tjetër, varësia më e ulët nga importet e gazit natyror u shënua në Rumani (24%), e ndjekur nga Danimarka (26%) dhe Holanda (33%).

Ndikimi i një ndërprerjeje të mundshme të importit duhet të marrë parasysh rëndësinë e gazit natyror në përzierjen e përgjithshme të energjisë. Ndërsa varësia nga importi në Suedi, Finlandë dhe Estoni është afër 100%, pjesa e gazit natyror në përzierjen e energjisë është relativisht e ulët (3%, 7% dhe 8% respektivisht). Në të kundërt, përqindja më e lartë e gazit natyror në përzierjen e energjisë është në Itali (40%) dhe varësia e tij nga importi është 94%. Hollanda ka peshën e dytë më të lartë të gazit natyror në përzierjen e saj energjetike, megjithatë varësia e saj nga importi është shumë më e ulët, për shkak të prodhimit vendas të gazit natyror.

Krahasuar me vitin 2020, rritjet më të mëdha në shkallën e varësisë nga importet e gazit natyror u regjistruan në Maltë (nga 96% në 2020 në 104% në 2021; +8 pp), Irlandë (nga 64% në 71%; +7 pp) dhe Rumania (nga 17% në 24%; gjithashtu +7 pp).

Në anën tjetër të shkallës, uljet më të mëdha u regjistruan në Letoni (nga 121% në 61%; -59 pp), Austri (nga 73% në 51%; -22 pp) dhe Sllovaki (nga 88% në 69% ; -20 pp).

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.