832 raste të reja me Covid-19, MSH: “12 qytetarë humbën jetën dhe u shëruan 535 të tjerë”
Është rritur sërish numri ditor i infektimeve me Covid-19 në vendin tonë. Ministria e Shëndetëisë njofton se gjatë 24 orëve të fundit kanë rezultuar pozitivë 832 qytetarë, nga 2.176 testime të kryera. Mbi gjysma e të infektuarve, plot 430 persona, rezultojnë në Tiranë, 100 raste në Fier, 33 raste në Durrës dhe 32 në Elbasan.
Në anën tjetër, në 24 orët e fundit janë shëruar 535 qytetarë, duke e çuar numrin e të shëruarve 19.384 që nga fillimi i epidemisë. Aktualisht në 4 spitalet COVID, po trajtohen 506 pacientë, 39 në terapi intensive, nga të cilët 11 janë të intubuar.
Me gjithë përpjekjet e mjekëve, në 24 orët e fundit, kanë humbur jetën 12 qytetarë. Ministria e Shëndetësisë i bën apel qytetarëve të mos neglizhojnë kontaktin me mjekun e familjes, për çdo shenjë të sëmundjes.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.