9 mënyra eksperte për të ndërtuar një reputacion pa të meta
Warren Buffett këshilloi se “Duhen 20 vite për të ndërtuar një reputacion dhe pesë minuta për ta rrënuar atë”. Këtu do të gjeni 9 këshilla nga ekspertë të ndryshëm në fushën e biznesit.
- Gjithmonë bëni atë që thoni se do të bëni.
Gjithmonë bëni atë që keni thënë se do të bëni e madje duhet ta bëni në atë moment që keni thënë. E gjithë kjo mund t’ju tingëllojë si një lojë fjalësh por është një këshillë mjaft e vlefshme sepse mjafton vetëm njëherë të mos mbani fjalën dhe njerëzit do të fillojnë të hedhin baltë mbi emrin tuaj.
(Steve Griggs, CEO i Steve Griggs Design)
2. Qëndroni gjithmonë transparent
Shpesh mosmarrëveshjet lindin nga keqkuptimet ose nga mungesa e zbulimit të së vërtetës. Përpiquni të jeni sa më transparent në mënyrë që të mos lini vend për të dyshuar. Nëse një marrëveshje biznesi nuk është po aq e qartë sa kristali mos u përfshini.
(Manny Khoshbin, president i “The Khobshin Company”)
3. Kthejini sulmet negative në mundësi.
Sapo filloni të merrni vëmendje, është thjeshtë çështje kohe përpara se dikush të postojë diçka negative rreth jush në internet, duke u përpjekur të dëmtojë reputacionin tuaj. Përpiquni ti trajtoni të gjitha postimet negative rreth jush si mundësi dhe jo si probleme. Mos u përgjigjni publikisht për diçka negative, sepse do të tërhiqni shumë vëmendje. Komunikimi është mirë të trajtohet në mënyrë të drejtpërdrejtë.
(Grant Cardone, ekspert shitjesh)
4. Kultivoni integritetin tuaj personal para së gjithash.
Për aq kohë sa veprimet tuaja janë në përputhje me vlerat tuaja të brendshme, perceptimet e të tjerëve nuk do të kenë një efekt afatgjatë në jetën tuaj personale. Në qoftë se ju përqendroheni në një standard të lartë të integritetit të brendshëm, çdo gjë në botën e jashtme do të funksionojë vetë, madje edhe kur ju të bëni gabime.
(Nafise Nina Hodjat, themeluese e The SLS Firm)
5. Gjithmonë zotërojini problemet tuaja, më pas zgjidhini ato.
Duhet një periudhe shumë e gjatë për ndërtimin e reputacionit si nga ana personale ashtu dhe në aspektin profesional. Është shumë e rëndësishme të merrni përgjegjësi për veprimet tuaja si dhe për punonjësit apo kontraktorët tuaj. Njerëzit bëjnë gabime por kur ju përpiqeni ti fshihni ato, reputacioni juaj fillon të shkatërrohet.
(Jim Mathers, CEO i North American Energy Advisory, Inc)
6. Shikoni idhujt tuaj
Shikoni të gjithë ata që admironi. Marka e tyre personale apo reputacioni që kanë është i qartë si kristali në mënyrë që çdokush të shohë. Ata janë të vërtetë në veten e tyre dhe për shkak të kësaj ata nxisin një përgjigje emocionale që krijon një lidhje, më pas një marrëdhënie, besnikëri, mbështetje, madje edhe dashuri.
(Adele McLay, konsulente e rritjes sw biznesit)
7. Mbroni reputacionin tuaj si të varej jeta juaj prej tij.
Edhe nëse jeni të suksesshëm ju do të vazhdoni të jeni viktimë e sulmeve online. Ky është një fakt për të cilin çdo sipërmarrës duhet të përgatitet. Mbrojtja e reputacionit tuaj online nuk ndodh rastësisht. Duhet ti kushtoni një buxhet ndërtimit të reputacionit tuaj online në mënyrë që kur një konkurrent me qëllim të keq, të përpiqet të devijojë klientët tuaj me anë të komenteve negative, ata të mos e prishin biznesin tuaj.
(Jerome Knyszewski, CEO i HeavyShift Marketing)
8. Merrni kontrollin e karakterit tuaj
Në botën e sotme ku lulëzon një gazetari e rreme, ju keni shumë pak kontroll mbi reputacionin tuaj, aq më tepër nëse ju fitoni ekspozim më të madh në publik. Por ju nuk keni 100 për qind kontroll mbi karakterin dhe nëse nuk arrini të merrni kontrollin, kjo gjë mund t’ju dëmtojë shumë.
(Rafe Furst, sipwrmarrws, investitor dhe bashkw-financues i Crowdfounder)
9. Duroni inatçinjtë
Në botën moderne të gjithë kanë një zë përmes Twiterit, komenteve në Youtube, Facebook etj. Pra ju keni 0 shanse të për të pasur një reputacion të përsosur. Nicholas Klein tha një shekull më parë, “Së pari ata ju injorojnë. Më pas fillojnë t’ju përqeshin. Pastaj ju sulmojnë e duan t’ju djegin, por në fund ndërtojnë monumente për ju”. Negativiteti është më viral se pozitiviteti. Përfundimisht ju do të jeni i dashur kur njerëzit të kuptojnë se nuk mund t’ju godasin, në atë moment ata do të fillojnë të jenë aleat me ju.
(Tai Lopez, investitor dhe këshillues)
Viola Hydi/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.