A do të blinit një shtet për 250 mijë dollarë? Këta djem e bënë!
Ata blenë një ishull të Karaibeve për të krijuar vendin e tyre.
Mayer është bashkëthemelues i Let’s Buy an Island (le të blejmë një ishull), një projekt ambicioz që në vitin 2018 synoi të financojë blerjen e një ishulli. Në dhjetor 2019, aspiratat e grupit u bënë realitet, duke mbledhur mbi 250,000 dollarë për të përfunduar blerjen e Coffee Caye, një ishull prej 1,2 hektarësh, i pabanuar në brigjet e Belize.
Investitorët nuk po blinin vetëm një pjesë të pronës në Belize. Ata po investonin gjithashtu në një projekt të pazakontë të ndërtimit të kombit, sepse Coffee Caye, e riimagjinuar si “Principata e Islandës”, e kompletuar me flamurin, himnin dhe qeverinë e saj kombëtare, është gjithashtu “mikronizimi” më i ri në botë — një ent që pretendon pavarësinë, por nuk njihet si e tillë nga komuniteti ndërkombëtar.
Tani, në fillim të vitit 2022, Mayer po udhëheq turneun inaugurues në Coffee Caye, pasi një grup i përzier investitorësh dhe turistësh të intriguar zbarkojnë në ishullin e parë në botë me financim nga njerëzit.
Duhen vetëm disa minuta të tjera për të ecur nga njëri skaj i Coffee Caye në tjetrin, por Mayer dëshiron të marrë grupin prej 13 personash në turneun e parë në këmbë të ishullit.
Coffee Caye është e gjatë, e hollë dhe me formë të paqartë si një kokërr kafeje. Njëra anë e ishullit, ku një vend i hapur me pamje nga një plazh i vogël që të çon poshtë në një gji të cekët, ishte marrë si vend kampingu për natën. Gjysma tjetër e Coffee Caye është e trashë me shkurre dhe e kufizuar nga mangroves (bimë lokale).
Mayer dhe disa investitorë të tjerë kishin kampuar në Coffee Caye në udhëtime skautizmi më parë, por ky ishte turneu i parë brenda natës që çdokush — investitor ose jo – mund të bashkohej. Ai çon në një turne më të gjerë shumë-ditor në kontinentin e Belizes, pjesë e planeve më të gjera të projektit për të promovuar turizmin brenda vendit pritës. CNN
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.