A do të ketë ndryshime të motit gjatë fundjavës?!

Shërbimi Meteorologjik Ushtarak njofton se dita e shtunë pritet të jetë nën ndikim të masave ajrore relativisht të paqëndrueshme dhe moti parashikohet me alternime kthjellimesh dhe vranësira të cilat do të jenë më të përqendruara në zonat malore të vendit.

Sipas njoftimit në Alpe dhe lokalisht në verilindje e lindje të vendit vranësirat hera-herës do të pasohen nga reshje bore me intensitet të ulët.

SHMU informon se dita e diel pritet të jetë nën ndikimin e masave ajrore të qëndrueshme pasi orët me diell do të mbizotërojnë në pjesën më të madhe të vendit, ndërsa vranësirat do të jenë të pakta kalimtare kryesisht përgjatë relieveve malore.

Sipas informacionit era parashikohet nga kuadrati i veriut me shpejtësi mesatare 1-8m/sek, e cila hera-herës përgjatë vijës bregdetare dhe zonave luginore fiton shpejtësi deri në 15m/sek.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.