A do të shkaktojë COVID-19 reformë në Zonën Shengen? – BE letër paralajmëruese vendeve që kanë mbyllur kufijtë

Disa vende të BE po lëvizin për të rivendosur kontrollet kufitare dhe kufizimet e udhëtimit për shkak të një rritje shqetësuese të varianteve të koronavirusit.

Gjermania njoftoi se udhëtarët nga rajoni verilindor i Moselës në Francë do të përballen me kufizime shtesë për shkak të shkallës së lartë të rasteve të varianteve të Afrikës së Jugut atje.

Zhvillimet në kufirin Francez-Gjerman janë vetëm të fundit në një seri të gjatë të përjashtimeve të Shengenit në disa vende duke përfshirë Belgjikën, Danimarkën, Finlandën, Hungarinë dhe Suedinë.

Situata kujton valën e parë shumë të kritikuar të pandemisë, kur vendet e BE mbyllën me ngut kufijtë e tyre për njëri-tjetrin në mars 2020 pa koordinim.

Pra, a do t’i japin variantet goditjen e fundit Zonës Shengen pa pasaporta, një shtyllë e integrimit europian?

I përshëndetur si “një nga arritjet më të mëdha të BE”, Shengen është “një zonë pa kufij të brendshëm, një zonë brenda së cilës qytetarët dhe shumë shtetas jo-BE që qëndrojnë legalisht në BE mund të qarkullojnë lirisht pa iu nënshtruar kontrolleve të kufijve”, sipas  Komisionit të BE-së.

Zona Shengen aktualisht përfshin 22 nga 27 vendet anëtare të BE-së si dhe katër anëtare jo-anëtare të BE-së: Norvegjia, Islanda, Zvicra dhe Lihtenshtajni.

Kroacia, e cila u bashkua me BE në 2013, është një nga pesë anëtarët jo në Shengen, së bashku me Irlandën, Bullgarinë, Rumaninë dhe Qipron. Zona Shengen u krijua në 1995.

Cilat kufizime janë vendosur në zbatim të varianteve Covid?

Belgjika ndaloi të gjitha udhëtimet jo-thelbësore në dhe nga territori i saj në fund të janarit. Masa është zgjatur deri më 1 Prill.

Gjermania mbylli pjesërisht kufijtë e saj me Republikën Çeke, Tirolin e Austrisë dhe Sllovakinë në mes të shkurtit.

Instituti gjerman Robert Koch tha se do të shtonte rajonin Francez të Moselës në listën e zonave “variant të shqetësimit”.

Franca tha se pendohet për vendimin dhe negocioi me fqinjin e saj të BE për të lehtësuar masat për 16,000 banorët e Moselës që punojnë përtej kufirit.

Në vend të testeve të përditshme të virusit PCR që Gjermania ka aplikuar diku tjetër tek udhëtarët përgjatë disa kufijve, banorët e Moselës do të duhet të paraqesin një test, PCR ose antigjen, të kryer më pak se 48 orë para kalimit.

Eurodeputetja franceze Fabienne Keller (Rinovo Evropën), e cila është gjithashtu ish-kryetarja e Bashkisë së Strasburgut, i tha Euronews se masa kërkonte një rritje drastike në vëllimin e testeve dhe “shumë burime”. “A është e arsyeshme kjo për sa i përket ndikimit epidemiologjik? Unë nuk mendoj kështu”, tha ajo.

Sipas ligjvënësit, disa territore janë zhvilluar përtej kufijve si “Europë të vegjël”, hapësira jetese ku kufijtë kombëtarë nuk janë të rëndësishëm. “Këto territore duhet të merren parasysh më mirë në krizën shëndetësore,” tha ajo.

Danimarka, Finlanda, Hungaria dhe Suedia janë gjithashtu midis gjashtë vendeve të BE-së që u është kërkuar që të heqin kufizimet kufitare në një letër të dërguar nga Komisioni i BE muajin e kaluar dhe parë nga agjencia e lajmeve AFP.

A janë kufizimet ligjore?

Ndërsa lëvizja e lirë është rregulli në zonën Shengen, ligji i BE parashikon përjashtime në rast të “kërcënimit të politikës publike ose sigurisë së brendshme”.

Alberto Alemanno, një profesor në Ligjin dhe Politikën e Bashkimit Evropian në HEC Paris, i tha Euronews se shtetet anëtare lejoheshin të vendosnin kufizime të tilla nëse ato ishin “të justifikuara” dhe “proporcionale” me kërcënimin e thirrur.

Por sipas ekspertit ligjor, masat e fundit kufitare nuk përmbushin kriteret e mësipërme, gjë që e shtyu Komisionin e BE të dërgojë një letër paralajmëruese në gjashtë vende të BE.

Korrespondenca e dërguar më 23 shkurt në Belgjikë, Danimarkë, Finlandë, Gjermani, Hungari dhe Suedi, tregon për një rrezik të “copëtimit dhe ndërprerjeve të lëvizjes së lirë dhe zinxhirëve të furnizimit”, sipas një zëdhënësi të Komisionit Europian.

Ai vuri në dukje se përhapja e varianteve në Republikën Çeke dhe Sllovaki, të cilat ishin në “listën e zonave të variantit të shqetësimit” të Gjermanisë, nuk ishte më e keqe se në disa vende të tjera të BE.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.