A duhet të diskutoni me kolegët rreth pagës tuaj?

Diskutimi për pagën tuaj me kolegët e punës nuk  është e paligjshme e madje nuk ka asgjë të keqe, por ndonjëherë mund t’ju sjellë probleme serioze në punë. Ekzistojnë disa situata ku ju mund të flisni rreth pagës tuaj, por duhet të jeni të kujdesshëm që kjo situatë të mos ju kthehet kundër.

Arsyet pse nuk duhet të diskutoni rreth pagës suaj

Diskutimi i pagës me kolegët tuaj mund të krijojë probleme. Ndonjëherë ndodh që të filloni të ndiheni xheloz e të prekur kur mësoni se ata paguhen më shumë se ju. Gjithashtu, ky diskutim mund të dëmtojë moralin dhe punën në grup në vendin tuaj të punës. Për më tepër mund të ndodhë të  futeni në telashe me punëdhënësin tuaj, sidomos nëse ai ju ka paralajmëruar që ju të mos e tregoni pagën tuaj. Punëdhënësi nuk mund t’ju pushojë nga puna sepse keni diskutuar mbi pagën tuaj, por ai mund ta bëjë punën tuaj të pakëndshme ose mund të kërkojë arsye të tjera që ju të largoheni.

Arsyet pse duhet të diskutoni mbi pagën tuaj

Ekzistojnë edhe ato situata ku diskutimi i pagës me kolegët tuaj është i vlefshëm pasi është e mundur që ndonjëri prej punonjësve të diskriminohet e kjo nuk është e drejtë. Nëse mësoni se jeni ju të diskriminuarit kur bëhet fjalë për pagën, kjo bën që kjo bisedë të ketë kuptim. Në këtë mënyrë, ju do të keni në mendje një pagë kur të negocioni një pagë më të mirë me punëdhënësin tuaj. Por ekzistojnë edhe ato raste ku të gjithë punonjësit paguhen njësoj kështu që nuk ka asgjë të keqe për të diskutuar madje mund të punoni të gjithë së bashku në mënyrë që të merrni një rritje page.

Si duhet të flisni me kolegët?

Ju nuk mund të flisni me të gjithë kolegët rreth pagës suaj. Sigurisht që mund të flisni me 1 apo 2 kolegë tek të cilët keni më së shumti besim por nuk mund të bëni një diskutim gjithëpërfshirës. Edhe pse çdokush do t’ju premtojë së do ta mbajë informacionin për vete, kjo gjë nuk do të ndodhë. Nëse doni me doemos të mësoni rreth pagave të kompanisë në të cilën punoni mund të pyesni personat të cilët janë larguar nga kompania ose të paktën janë larguar në një departament tjetër nga juaji. Ajo çka duhet të keni parasysh tjetër është se ju nuk duhet ti bëni kurrë këto biseda gjatë orarit të punës, nëse kurioziteti juaj është shumë i madh dhe dëshironi me doemos të dini rreth pagës së tjetrit minimalisht duhet të respektoni orarin e punës.

Viola Hydi/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.