A e dini sa kohë duhet për t’u bërë milioner? Studimi: Jo para moshës 36 vjeçare! Sektorët që i “prodhojnë” më shpejt
Edhe për ata të paktë që ia arrijnë, të bëhesh milioner nuk është një gjë që bëhet brenda një dite. Një artikull në “visualcapitalist.com” ka mbledhur informacione se sa kohë u është dashur personave më të pasur të planetit që të arrijnë 6 zerot e para, duke dalë në konkluzionin se shpesh janë dashur disa vite.
Nëse analizojmë kampionin e tyre, mesatarisht do të duheshin 8 vite për të arritur milionin e parë. Dhe jo para moshës 36 vjeçare.
Super të pasurit e botës, sipas artikullit, në 2019 vlejnë rreth 744 miliardë dollarë në total dhe janë gjithsej 2 mijë e 153 të tillë. Më tej, artikulli evidenton se pjesa më e madhe e këtyre personave e ka trashëguar pjesërisht ose plotësisht pasurinë që ka dhe në këtë rast, për ata nuk kërkohet se si e kanë bërë milionin e parë.
Përtej këtyre fatlumëve, ka të tjera në grupin e super të pasurve që u është dashur një angazhim deri në 5 vite ndërsa një grupi tjetër i janë dashur 10 vite. Ka edhe raste kur janë dashur 17 vite,
Sektori që ka prodhuar më shpejt milionerë është ai i komunikacionit, falë teknologjisë. Nga 3 deri në 5 vite është arritur te 6 zerot e para.
Sektorë si manifaktura ose moda e bëjnë më të vështirë e të lodhshëm arritjen e objektivit për milionin e parë, aq sa kërkojnë thuajse 10 vite.
Burimi: Ilsole24ore/Përshtati në shqip:SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.