A është buxheti realist?! – Tabaku: 75 mln USD më pak në arkën e shtetit për 6-mujorin e parë
Opozita ka reaguar ndaj aktit normativ të buxhetit të shtetit firmosur nga qeveria. Në një dalje për mediat nënkryetarja e Komisionit parlamentar të Ekonomisë Jorida Tabaku u shpreh se për vitin aktual në arkën e shtetit mungojnë 75 milionë USD si pasojë e mosmbledhjes së taksave si dhe e mbylljes së bizneseve.
Sipas deputetes Tabaku shqiptarët paguajnë gjithnjë e më shumë para për ushqime, veshmbathje dhe arsimim. Ndërkohë, që sipas të dhënave 45 biznese mbyllen çdo ditë në Shqipëri.
Këshilltari për Çështjet Ekonomike pranë PD-së Dorian Teli ka bërë një analizë konkrete të politikave të ndjekura që kanë bërë që në arkën e shtetit të mungojnë 75 milionë USD në 6 mujorin e parë të vitit.
Referuar borxhit publik, opozita u shpreh se Shqipëria renditet e para në vendet me borxhin më të lartë në rajon me 70%, por nëse llogariten edhe kontratat koncesionare borxhi shkon në 83%.
Entela Barjamaj/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.