A jeni një nga 5 llojet e udhëheqësve që i nevojitet kompanisë suaj për të pasur sukses?

Për të zbuluar sesi organizatat mund të ndryshojnë mënyrën se si funksionojnë dhe të optimizojnë ekzekutimin e tyre strategjik, Shërbimet Analitike të Shqyrtimit të Biznesit në Harvard anketuan 1,636 drejtues në të gjithë botën. Shumica e organizatave luftojnë me zbatimin e strategjisë në mjediset e tyre gjithnjë në ndryshim. Organizatat vazhdimisht janë duke evoluar rolet, funksionet dhe strukturat e tyre. Pra, shumë nga idetë më të mira në letër kurrë nuk realizohen konkretisht në treg.

Një studim ekzekutiv global i kryer nga HBRAS, në bashkëpunim me Brightline Initiative, zbuloi se afërsisht një e pesta e organizatave arrijnë 80% ose më shumë nga objektivat e tyre strategjikë. Këto organizata janë gjithashtu në gjendje të përshtaten shpejt me ndryshimet e reja ose me të papriturat e tregut, lëvizjet e konkurrencës dhe kërkesat e reja të klientit.

Sekreti i suksesit të tyre? – Udhëheqës produktivë dhe të aftë, ja cilat janë 5 tiparet kryesore;

• Vizionari – Një mendimtar avangardë me një vizion të guximshëm të drejtimit të kompanisë
• Analisti – Një individ inteligjent që mund të zgjidhë çdo problem në bazë të analizave të nevojshme
• Vendim-Marrësi – Aktori deçiziv që mund të marri vendime në kohë për të drejtuar strategjinë në kahun e duhur
• Lojtari i Ekipit – Një menaxher i domosdoshëm për organizmin dhe mbarëvajtjen e ekipit të punës
• Trajneri – Një mentor i cili përkthen strategjinë në të ardhura të qarta dhe të matshme

Nga gjetjet e analizës së kryer u evidentua gjithashtu se veç tipareve të liderëve të kompanisë janë të nevojshme edhe detajet e mëposhtme që një kompani të funksionojë ashtu si duhet e të ketë suksesin e dëshiruar:

Ekipet ndër-funksionale e decentralizojnë vendimmarrjen, pavarësisht nga lloji i strukturës. Shumica e drejtuesve të implementimit ranë dakord se strukturat e tyre organizative i ndihmojnë ata të kryejnë strategji. Po aq e rëndësishme, vendimmarrja e centralizuar është e pranishme në vetëm 16% të drejtuesve, krahasuar me 24% të ndjekësve dhe 29% të mospërfillësve.

Një kulturë bashkëpunimi ndiqet dhe shpërblehet në mënyrë aktive. Për shkak se udhëheqësit duan të nxisin përdorimin e ekipeve ndër-funksionale për të vënë në veprim nisma strategjike, gati 80% e tyre, përkundrejt një pakice prej 19% të mospërfilljeve, inkurajojnë dhe shpërblejnë bashkëpunimin.

Drejtuesit duhet të jenë të angazhuar me ata përreth tyre, duke trajnuar por edhe duke udhëhequr. 43% e drejtuesve ranë dakord në mazhorancë për rëndësinë e angazhimit dhe stërvitjes së lartë ekzekutive në organizatat e tyre, krahasuar me vetëm 19% për ata që konsiderohen si pasiv dhe 13% për ata që karakterizohen si indiferent kur bëhet fjalë për ekzekutimin strategjik.

Zhvillimi dhe dorëzimi strategjik është një veprimtari dinamike, gjithnjë aktuale. 44% e liderëve thonë se zhvillimi dhe shpërndarja e iniciativave strategjike është një proces dinamik dhe i vazhdueshëm, i cili nuk është rasti për ndjekësit (35%) ose pasivët (23%). Në të kundërt, gati një e treta (31%) e mospërfillësve ose pasivëve i rishikojnë qëllimet e tyre strategjike vetëm çdo dy vjet përkundrejt 10% të udhëheqësve.

Së fundmi, është pikërisht integriteti cilësia më e rëndësishme e një lideri efektiv. Të anketuarit ranë dakord se integriteti është ajo që i lidh këto lloje të ndryshme të liderëve së bashku. Është një cilësi e përbashkët që forcon përgjegjshmërinë dhe pronësinë, duke lejuar liderët të pranojnë kur kanë bërë gabime.

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.