A mundet që vonesat në zgjerimin e Ballkanit të minojnë BE-në?
Ëndrra për të hyrë në Bashkimin Europian mund të zbehen për Shqipërinë pasi vendet si Franca dhe Hollanda kanë mbajtur një qëndrim të ftohtë në zgjerimin e BE-së në Ballkanin Perëndimor pavarësisht thirrjes së Komisionit Europian që të fillojë procesi i pranimit.
Si Shqipëria ashtu dhe Maqedonia e Veriut kanë pasur çështje të sundimit të ligjit që kanë ngadalësuar rrugën e tyre drejt anëtarësimit.
Në korrik, komisioneri i BE për zgjerim, Johannes Hahn, tha që Maqedonia e Veriut duhej të reformonte gjyqësorin e saj për të siguruar që mund të trajtonte çështjet e nivelit të lartë të krimit dhe korrupsionit përpara se BE të mund të caktonte një datë për të filluar bisedimet e pranimit.
Bisedimet e pranimit për të dy vendet pritet të mbahen në tetor.
Politologu Florian Bieber tha se, në rastin e Francës, ekziston një skepticizëm i përgjithshëm midis elitave për zgjerimin.
“Unë mendoj se ka një ndjenjë midis elitave që zgjerimi i mëparshëm ishte një gabim dhe se minon levën franceze në BE,” tha ai. “Në këtë kuptim, ekziston një skepticizëm i përgjithshëm drejt zgjerimit.”
Sa për Hollandën, ai beson se ka më shumë shqetësim për të lejuar më shumë vende me probleme të sundimit të ligjit pasi që disa shtete anëtare si Hungaria dhe Polonia nuk kanë një rekord të mirë.
Krimi i organizuar që ekziston në Shqipëri nuk i ndihmon ata aspak në kauzën e tyre, u shpreh Bieber
Bieber tha se ngricat ndaj lejimit të anëtarëve të rinj mund të “minojnë besueshmërinë e BE”.
“Vëzhguesit në rajon e shohin politikën e Francës dhe Hollandës si jo të drejtë dhe të motivuar nga politika e brendshme dhe stereotipat,” tha Bieber. “Kjo minon BE-në si një lojtar të drejtë dhe ka kritere të qarta, veçanërisht pasi komisioni ka dhënë dritën e gjelbër për negociata.”
Bieber theksoi se ky lloj qëndrimi ka të ngjarë të dërgojë një sinjal negativ për Maqedoninë e Veriut dhe qeverinë e Shqipërisë, të cilët mund të mendojnë se nuk ia vlen të bëhen kompromise të vështira nëse nuk pranohen në bllok.
Ky qëndrim po dërgon gjithashtu një mesazh për Serbinë dhe Kosovën që kanë çështjen më të madhe të hapur në rajon, tha Bieber, duke shtuar: “Pse secili vend duhet të bëjë një marrëveshje të vështirë kur BE nuk është në gjendje të japë asgjë në këmbim?”
Franca është pyetja më e madhe, vuri në dukje Bieber. “Mund të jetë e gatshme të pranojë Maqedoninë e Veriut, por unë mendoj se kjo do të thotë që Shqipëria nuk do të ecë përpara, të paktën për momentin.”
“Mosmarrëveshjet dhe konfrontimet e brendshme të Shqipërisë midis partisë në pushtet dhe opozitës ulin aftësinë e Shqipërisë për progres,” tha Bieber.
Për Bieber, mënyra më e mirë që këto vende mund ta bindin Francën se ata kanë ndryshuar është të përpiqen ‘ekstremisht’ në zgjidhjen e sundimit të tyre të ligjit dhe çështjeve të korrupsionit me shpresën për të bindur qeverinë franceze për ndryshimet ose për të krijuar një levë në BE, “në mënyrë që të tjerët vendet anëtare i bëjnë presion Francës “.
“Shqiptarët janë ndoshta disa nga më evropianët në Ballkanin Perëndimor,” tha Bieber. “Nuk ka asnjë parti politike që ka refuzuar zgjerimin e BE-së, kështu që në atë kuptim nuk ka një plan B për Shqipërinë.”
Burimi: https://www.euronews.com/2019/08/11/could-delays-to-balkan-enlargement-undermine-the-eu
Nebi Xhomaqi / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.