Abuzimet me tenderat, Pelinku: Në një vit janë dhënë 70 mln euro pa garë
Një në tre tendera është pa garë, nuk ka konkurrencë të ndershme dhe korrupsioni është në nivele të larta.
Këto janë konkluzionet e një raporti të KLSH-së që drejtuesja e departamentit të antikorrupsionit pranë PD-së Lealba Pelinku i ka risjellë në vëmendjen e qytetarëve. Në një vit janë dhënë 70 milionë euro nga qeveria aktuale pa garë.
Më tej drejtuesja e antikorupsionit në PD ka vijuar duke thënë se çdo ditë në vendin tonë mbyllen 45 biznese.
Ndërkohë që qeveria ka rritur shpenzimet për luks, vetëm gjatë vitit të fundit janë shpenzuar 288 milionë euro për blerje makinash, karburanti dhe bileta udhëtimi.
Entela Barjamaj/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.