Abuzuan me çmimet. Procedohen penalisht dy tregtarë në Durrës

Dy tregtarë në qytetin e Durrësit janë proceduar penalisht pasi kanë rritur çmimet e produkteve ushqimore dhe fruta-perimeve duke përfituar nga kjo situatë “lufte” si pasojë e koronavirusit. Bëhet fjalë për A. D., 47 vjeç dhe A. V., 56 vjeç, të dy banues në Durrës.

Nga kontrolli i bërë në tregun agroushqimor, në lagjen nr. 14, u konstatua se këta dy tregtarë tregtonin produkte me çmime jo normale për tregun.

Ndaj tyre, rëndon akuza për veprën penale “Fshehja e të ardhurave”, teksa akti normativ hyrë në fuqi pak ditë më parë, parashikohet 5 milionë lekë gjobë pikave të shumicës që rrisin çmimet, 100 mijë lekë pakicës si dhe 6 vjet pezullim të subjektit përsëritës.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.