Aeroporti Heathrow humbet “kurorën”. Zbret në vendin e dytë pas Charles De Gaulle, prej pandemisë

Heathrow i Londrës ka humbur titullin si aeroporti më i madh i Europës, duke mbetur mbrapa Charles De Gaulle të Parisit, ndërkohë që pandemia vazhdon të godasë trafikun ajror në Britani.  Numri i pasagjerëve që udhëtojnë përmes qendrës në Londër ka rënë me 69% në 19 milionë në total, për 9 muajt e para të vitit, që është pak poshtë homologut francez.  Kompania që zotëron aeroportin deklaroi një humbje me 1.5 miliardë paund, apo 1.96 miliardë dollar në tremujorin e tretë.

Shefi ekzekutiv, John Holland-Kayle, fajësoi rënien e udhëtuesve nga rritja e rasteve me Covid-19 dhe progresin e ulët të qeverisë në prezantimin e testimeve, që të ndihmojnë rihapjen e kufijve me vendet që janë të klasifikuara me rrezik të lartë.  “Francezët kanë ndërmarrë një qasje active për të rihapur kufijtë në mënyrë të sigurtë. Ata nisën testimin në Qershor, kur Britania prezantonte karantinën”, – tha ekzekutivi i aeroportit të Londrës.

Qeveria britanike po bisedon me Washingtonin për të prezantuar një plan për pasagjerët mes Heathrow dhe New Yorkut, që të fluturojnë vetëm nëpërmjet testeve.  Propozimi do të përfshijë një test negativ PCR brenda 72 orëve përpara fluturimit dhe një test të shpejtë në mbërritje. Nën sistemin aktual në Britani, shtetet vendosen dhe hiqen nga lista e destinacioneve të sigurta, ç’ka sjell në ndërprerje të minutës së fundit për pasagjerët.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.