Aeroporti i Kukësit – Rama: Do të fillojmë ta ndërtojmë pranverën e vitit të ardhshëm
Aeroporti i Kukësit do të fillojë të ndërtohet në pranverë e vitit 2019. Lajmin e ka bërë të ditur kryeministri, Edi Rama, në konferencën tradicionale të fundvitit me gazetarët. Ndërkohë, ka shtuar më tej se fluturimet do të jenë kryesisht low cost.
“Aeroportin e Kukësit e kemi premtuar e do të fillojmë ta ndërtojmë në pranverën e vitit të ardhshëm, sepse procesi është goxha i avancuar tanimë. Ndërkohë që duhet ta kujtosh se ta kanë premtuar aeroportin e Kukësit që kur ke qenë i vogël dhe për vitin e ri vitin e ardhshëm, nga Londra do vish direkt në Kukës dhe Kukësi do ketë një aeroport me fluturime low cost kryesisht. Nuk do presësh sa ke pritur”, u shpreh Rama.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.