Aeroporti spanjoll në prag të “kolapsit” pas disa javësh radhësh të gjata. Arsyeja!
Aeroporti i Majorkës mund të “shembet” pa rekrutimin urgjent të më shumë stafi, ka paralajmëruar një sindikatë e policisë spanjolle. Mijëra pushues janë dyndur tashmë në Majorka këtë vit – me shumë që përjetojnë vonesa makthi në aeroportin Palma të ishullit.
Sipas Unionit të Unifikuar të Policisë në Ishujt Balearik, radhët e makthit vetëm sa do të përkeqësohen.
Ndërsa turizmi i verës është në rritje, turistët janë përballur me radhë gjarpëruese në sigurinë e aeroportit të Majorkës. Rregullat pas Brexit, që kërkojnë që banorët jo të BE-së të kenë vulosjen e pasaportave të tyre në mbërritje dhe nisje, kanë shtuar kaosin.
Duhen urgjentisht më shumë oficerë policie për kontrollet doganore, kanë pohuar operatorët turistikë. Pa këtë personel, sindikata e policisë këmbëngul se “aeroporti do të shembet”.
Por rekrutimi nuk është i lehtë, oficerët e policisë nuk duan të vijnë për të punuar në Majorca, sepse nuk paguhen aq sa duhet për të përballuar koston e lartë të jetesës së ishullit.
Sindikata vlerëson se ka rreth 200 vende të lira të policisë kombëtare në ishujt Balearik, me mungesën që rrjedh deri në aeroport.
Në të gjithë Europën, aeroportet po vuajnë nga vonesat e tmerrshme, pasi shumë njerëz marrin pushime jashtë shtetit për herë të parë që nga fillimi i pandemisë dhe linjat ajrore luftojnë për të plotësuar mungesat e personelit.
Sipas modelimit ACI, vonesat dhe anulimet janë të pashmangshme në dy të tretat e aeroporteve europiane këtë verë.
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.