“Afati i fundit” – Parlamenti Evropian kërkon deri të dielën një marrëveshje për Brexit
Parlamenti Evropian ka caktuar një afat deri të dielën për Brexit mbi një marrëveshje tregtare dhe sigurie, pasi u informua nga kryenegociatori i BE Michel Barnier mbi zhvillimet e fundit në bisedimet me Mbretërinë e Bashkuar.
Në një deklaratë të përbashkët të parë nga Guardian, krerët e grupeve politike do të thonë se duhet të shohin marrëveshjen deri në fund të fundjavës për të lejuar votimin më 28 dhjetor.
Afatet kanë ardhur dhe janë zhdukur gjatë bisedimeve për Brexit por ky afat i fundit shton një ndërlikim shtesë në negociatat në Bruksel, për të cilat burimet e MB thanë se mbeten “të vështira” megjithë përparimet e fundit.
Shtetet anëtare të BE mund të zbatojnë përkohësisht një marrëveshje përpara 31 Dhjetorit, për të shmangur largimin e Mbretërisë së Bashkuar nga tranzicioni pa rregullime të reja me bllokun, edhe pa dhënë parlamenti miratimin e tij.
D.B – SCAN
Burimi: The Guardian
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.