Agjencia e Pronave “pa punë” në vitin 2021 – Kompensim vetëm për pronarët që pranojnë të heqin dorë nga 100% e shumës

Agjencia e Trajtimit të Pronës me kuptimin e plotë të fjalës ka mbetur pa punë gjatë vitit 2021. Ajo gjatë vitit të shkuar ka dëmshpërblyer financiarisht diçka më shumë se 200 pronarë që kanë pranuar të heqin dorë nga kompensimi I plotë, 1338 subjekte  nga fondi i ndërtimeve informale, por nuk ka bllokuar tërësisht zbatimin e vendimeve të kompensimit për pronarët që u është e njohur kjo e drejtë. Scan Televizion ka zbardhur raportin zyrtar të Agjencisë për vitin e shkuar, ku nënvizohet se procesi I kompensimit mbahet I bllokuar nga Gjykata Kushtetuese.

“Gjatë perjudhës Janar – Dhjetor 2021.  ATP duke u bazuar në ligjin 133/2015 “Për trajtimin e pronës dhe përfundimin e proçesit të kompensimit të pronave dhe akteve nënligjore””, janë kompensuar  216 subjekte që kanë përfituar kompensim me raste të veçantë. Janë kompensuar gjatë kësaj periudhe 1338 subjekte  nga fondi i ndërtimeve informale”, bën me dije Agjencia e Trajtimit të Pronave.

Ndërkaq, thekson raporti,  Procesi i ekzekutimeve për vendimeve përfundimtare që kanë njohur të drejtën e kompensimit aktualisht është i bllokuar për shkak se në datën 04.02.2021, Gjykata Kushtetuese Me zbardhjen e vendimit të Gjykatës Kushtetuese të botuar në Fletoren Zyrtare nr.37, datë 11.03.2021, është ngritur me Urdhër te Ministrit të Drejtësisë nr. 309  datë 14.04.2021 grup pune për “Hartimin e projektligjit “Për disa shtesa dhe ndryshime në ligjin 133/2015”,  për të reflektuar në ato pika të cilat u shfuqizuan nga Gjykata Kushtetuese”.

Shkak është bërë vendimi i Gjykatës Kushtetuese e cila pranoi kërkesën e Shoqatës Pronësi me Drejtësi për rrëzimin e disa neneve të Ligjit të Ri për Kthim Kompensimin. Agjencia e Trajtimit të Pronave ka vlerësuar se se fatura financiare për kompensimin e pronarëve arrin në 101 miliardë lekë, afërisht 1 miliardë dollar, ndërkohë që shoqatat e pronarëve pretendojnë një vlerë rreth 4 herë më të madhe.

Lorenc Rabeta / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.