Ahmetaj: Turizmi këtë vit në rritje dyshifrore! Sfidë, shërbimi dhe cilësia
Ministri i Financave Arben Ahmetaj shprehet optimist për ecurinë e sektorit të turizmit gjatë këtij viti. “Këtë vit turizmi është në një rritje dyshifrore” tha Ahmetaj gjatë një takimi me sipërmarrjet e turizmit në Sarandë. Gjatë takimit, ai vuri theksin në rëndësinë e formalizimit.
“Me sipërmarrjet e turizmit në Himarë, për ecurinë dhe mbarëvajtjen e sezonit, por edhe për rëndësinë e formalizimit, përmbushjes së përgjegjësive tatimore dhe detyrimin për të regjistruar punonjësit. Këtë vit turizmi është në një rritje dyshifrore, ndaj sfida e madhe tashmë është që gjithë këtë kërkesë të rritur ta furnizojmë me shërbimet e duhura dhe cilësi” shkruan Ahmetaj në faqen e tij në “Facebook”.
Ndërkohë Tatimet kanë nisur prej kohësh një fushatë kontrolli për strukturat akomoduese ku ditët e fundit një numër i madh hotelesh e strukturash akomoduese kanë rezultuar të paregjistruara e si rrjedhojë janë bllokuar.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.