AIDA ftesë kompanive shqiptare nga sektori agro-ushqimor që të bëhen pjesë e panairit më të madh të ushqimit
Agjencia e Investimeve (AIDA) fton kompanitë nga sektori agro-ushqimor të bëhen pjesë e panairit Warsaw Food Expo 2019, për të rritur mundësinë e zgjerimit në tregun Europian.
“Panairi ndërkombëtar i ushqimit “Warsaw Food Expo 2019”, do të zhvillohet për herë të tretë, në datat 12 – 14 shtator.
Ky është eventi më i rëndësishëm dhe më i madhi në Poloni në sektorin e ushqimit dhe pijeve. Warsaw Food Expo 2019, është vendi perfekt për ekspozuesit për të ngritur ura të reja bashkëpunimi, të promovimit të produkteve të reja, zhvillimit të marrëdhënieve me konsumatorët ekzistues dhe të rinj, si dhe krijimit të lidhjeve tregtare të vlefshme.
Në këtë event, kompanitë do të kenë mundësi të zhvillojnë bashkëpunim ndërkombëtar, me pjesëmarrjen e importuesve nga vende të ndryshme të botës. Gjatë eventit janë programuar rreth 600 takime biznesi (B2B), ndërmjet kompanive polake dhe kompanive të 15 shteteve pjesëmarrëse” njofton AIDA.
Ekspozues në panair do të jenë:
-Prodhues nga sektori agroushqimor
-Tregtarët me shumicë dhe shpërndarësit e ushqimit
-Importuesit dhe eksportuesit polakë dhe ndërkombëtarë të ushqimit
-Prodhuesit dhe shpërndarësit e pajisjeve dhe makinave të përdorura në prodhim
-Ofruesit e shërbimeve për industrinë e ushqimit
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.