AIDA, takime monitoruese “Derë me Derë ” në qytetin e Tiranës dhe Elbasanit! Në fokus, progresi i kompanive që kanë përfituar fonde
Në bazë të programeve të punës dhe detyrave në ndjekje të zbatimit dhe realizimit të fondeve të disbursuara, AIDA gjatë muajit korrik 2019 është angazhuar në monitorimin e progresit të realizuar nga kompanitë përfituese të fondeve dhe impaktit të skemave financiare të menaxhuara nga AIDA.
Referuar njoftimit zyrtar, stafi i Departamentit të SME & Projekteve i AIDA-s, realizoi gjatë muajit korrik 2019, takime monitoruese, follow up, asistencë në qytetet Tiranë dhe Elbasan pranë kompanive Shkalla Shpk, Kuld Shpk, Malna Tex dhe Eria Textiles Shpk.
“Prodhimet e kompanive tona gjenden sot në shumë tregje evropiane dhe eksportet në Shqipëri përbëjnë një potencial shumë të madh zhvillimi ekonomik, rritje punësimi, por edhe prezantim shumë i mirë i Shqipërisë në tregjet ndërkombëtare. Mbështetja e vazhdueshme ndaj NMV-ve dhe sipërmarrësve shqiptarë nëpërmjet Fondeve Grant për t’i bërë produktet shqiptare gjerësisht të njohura, por dhe për të nxitur investimet e reja në funksion të rritjes së konkurrueshmërisë në produkte, e cila është në qendër të punës të AIDA-s dhe qeverisë shqiptare” shkruhet në njoftimin e AIDA-s.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.