Air Albania fluturon në Itali- Biletat për në Romë, Milano e Bolonja 59-69 euro. Rama: Në fillimvjeshtë nisim me Europën

Kompania shqiptare e fluturimeve Air Albania do të nisë pas pak muajsh fluturimet drejt Italisë. Linjat e reja do të jenë drejt Milanos, Bolonjës dhe Romës. Çmimet e biletave do të variojnë nga 59-69 euro. Lajmi bëhet i ditur nga kryeministri Edi Rama në një postim në rrjetet sociale. Çmimet e biletave do të variojnë

“Nisin me Italinë në fillimvjeshtë, fluturimet e kompanisë kuqezi drejt qiejve të Europës.  Hë tani jepini, filloni shani e përqeshni sa të doni, si zakonisht Po të paktën, futeni mirë në kokë, se kur unë them KJO DO BËHET, është vetëm çështje kohe, pune, mundimi e durimi, por fjalën time s’e merr kurrë era. Dhe mos e harroni, se nga e thëna në të bërë është në mes një det i tërë; herë i ngushtë e herë i gjerë, herë i qetë e herë me trazime që të vonojnë; nganjëherë edhe me furtuna e tallaze që të ndryshojnë trajektoren, po jo qëllimin nëse nuk dorëzohesh. Prandaj BESIM dhe DURIM miq, se do t’i bëjmë, së bashku, të tëra ato që kemi në dorë t’i bëjmë për Shqipërinë që duam” shkruan kryeministri.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.