Air Berlin përballë blerësve – Lufthansa pritet të marrë pjesën më të madhe të aseteve
Kreditorët e Air Berlin, linjës së dytë më të madhe ajrore në Gjermani, kanë caktuar Lufthansa dhe EasyJet për blerës të mundshëm të biznesit dhe do të negociojnë me ta për 3 javët e ardhshme.
“Është dhënë autoritet për të përfunduar marrëveshje me ndonjë nga këta blerës”, deklaroi Air Berlin.
Bisedimet mbi blerjet e aktiveve të tjera të Air Berlin, si njësia e mirëmbajtjes së avionëve, do të vazhdojë me blerës të tjerë. Air Berlin, që punëson rreth 8,000 persona dhe operon 144 avionë, deklaroi se nuk është më e aftë të paguajë në muajin Gusht, pasi aksioneri më i madh Etihad Airlines u tërhoq nga financimet.
Burimet tregojnë se linja më e madhe e Gjermanisë, Lufthansa pritet të marrë pjesën më të madhe të Air Berlin. Kompania në falimentim bëri të ditur se negociatat me Lufthansa dhe EasyJet, do të vazhdojnë deri më 12 Tetor.
Angela Merkel i uroi fat punonjësve të Air Berlin, në qytetin perëndimor të Neuss, ku stafi i kompanisë iu bashkua mbështetësve të kancelares. Lajmi vjen 3 ditë pas zgjedhjeve Federale ku Merkel pritet të fitojë mandatin e katërt.
Qeveria e Merkel ra dakord për një kredi afat-shkurtër prej 150 milionë euro për të siguruar se fluturimet do të vazhdojnë në një periudhë 3-mujore dhe për të mbrojtur vendet e punës së 7,200 punonjësve në Gjermani.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.