AIRCAR/ Makina që transformohet në avion në më pak se 3 minuta certifikohet zyrtarisht për fluturim! (|VIDEO&FOTOT)
Makina fluturuese futuriste që mund të arrijë lartësi më shumë se 2.4 km dhe shpejtësi mbi 160 km/h është një hap më afër daljes në shitje. Kjo për shkak se mjeti ‘AirCar’ me modalitet të dyfishtë, e cila mund të shndërrohet nga një mjet rrugor në një aeroplan në më pak se tre minuta, tani është zyrtarisht i certifikuar për të fluturuar pasi ka kaluar testet e sigurisë në Sllovaki.
Atij iu dha statusi i ri pas përfundimit të më shumë se 200 ngritjeve dhe uljeve gjatë 70 orësh testime rigoroze të fluturimit sipas standardeve të Agjencisë Europiane të Sigurisë së Aviacionit (EASA). Zhvilluesit e AirCar thanë se testet përfshinin gamën e plotë të manovrave të fluturimit dhe performancës, përpara se të shtonin se anija “demostronte një stabilitet të mahnitshëm statik dhe dinamik në modalitetin e avionit”.
Ata thanë se procedurat e ngritjes dhe uljes së AirCar u arritën edhe pa nevojën e pilotit për të prekur kontrollet e fluturimit. Tani që anijes i është dhënë Certifikata e Vlefshmërisë për fluturim nga Autoriteti Sllovak i Transportit, zhvilluesit thonë se një model i ri prodhimi pritet të certifikohet në 12 muaj.
Nuk janë zbuluar detaje të çmimit për automjetin futuristik, por ai mund të shihet në ajër dhe në rrugë më së voni deri në vitin e ardhshëm. Certifikimi i fluturimit vjen gjashtë muaj pasi AirCar përfundoi fluturimin e tij të parë ndërqytetës në Sllovaki.
Pas uljes, automjeti u shndërrua në një makinë sportive në më pak se tre minuta para se të çohej në qendër të Bratislavës. AirCar Prototype 1, i cili ka një motor me helikë fikse 160 kuaj fuqi, është fëmija i trurit të profesor Klein dhe është zhvilluar nga firma sllovake KleinVision.
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.
Artikujt e fundit
