Ajax, “gropë” edhe në bursë. Humbet 21% pas eleminimit në gjysmëfinalen e Champions League

Vlera në treg e Ajax pësoi rënie të madhe pasi klubi holandez i futbollit dështoi të arrijë në finalen e parë të ligës së Kampionëve që prej vitit 1996, pas një humbjeje pikëlluese ndaj Tottenham. Braziliani Lucas Moura përfundoi tre-golëshin e bujshëm në minutën e 96 të lojës në Amsterdam, duke e çuar ekipin në finale si rrjedhojë e golave jashtë, ndërkohë që rezultati i të dy takimeve u fiksua në 3-3.

Aksionet e Ajax ranë me më shumë se 21% në sesionin tregtar të Amsterdamit, duke fshirë të gjithë vlerën e shtuar pas fitores 1-0 në Londër javën e kaluar.

Përveç kësaj, humbja i kushtoi klubit të futbollit 15 milionë euro nga çmimi i fitores, që është ekuivalente me 16% të të ardhurave për vitin 2018. Megjithatë, pavarësisht daljes nga kupa e kampionëve në mënyrë të ashpër, aksionet e Ajax janë ende në rritje me 52% nga viti i kaluar.

Veç rritjes së përqindjes së të ardhurave nga turneu, të dhënë nga organi europian drejtues UEFA, garimi i papritur deri në gjysmë finale e ka çuar skuadrën në elitën e futbollit europian, çka do ta mbështesë kur të negociojë marrëveshje tregtare me sponsorat. Kjo shtoi gjithashtu spekulimet të transfertave të mëdha, ndërkohë që ekipe të tjera vazhdojnë të kërkojnë yjet e rinj të Ajaxit.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.