AKEP: Ballkani, nga e enjtja pa roaming / Frashëri raporton në Kuvend: Në 2021 prioritet teknologjia 5G me partnerët strategjikë

Kreu i Agjencisë së Komunikimeve Elektronike e Postare Tomi Frashëri ka përshëndetur nga foltorja e Kuvendit hyrjen në fuqi të marrëveshjes për heqjen e tarifave roaming në Ballkan. Heqja e kësaj tarife që ka qenë një kosto shumë e lartë për gjithë rajonin, u bë e mundur falë një marrëveshjeje mes  Shqipërisë, Kosovës, Maqedonisë së Veriut, Malit të Zi, Serbisë dhe Bosnjë-Hercegovinës. Falë saj shtetasit e të gjithë këtyre vendeve do të mund përdorin shërbimin roaming në rajon me të njëjtat tarifa si në vendin e tyre, pra pa qenë nevoja të paguajnë tarifa shtesë.

Frashëri raportoi të enjten në Kuvend se viti 2021 do të ketë prioritet implementimin e teknologjisë 5G në bashkëpunim të ngushtë me partnerët strategjikë të Shqipërisë.

Kreu I AKEP ka raportuar se për vitin 2020 rritje të shpejtë ka shënuar shërbimi i internetit të shpejtë si në rrjetet fiske, ashtu edhe nëpërmjet telefonisë celulare.

Lorenc Rabeta – SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.