Akreditimi i 35 IAL – Universitetet private marrin pikët maksimale

Universitetet private në vendin tonë  renditën  të parat në  plotësimin e kritereve të akreditimit. Nga procesi i Vlerësimit realizuar nga Agjencia  E sigurimit të cilësisë në  Arsimin  e lartë, 4 universitetet  që u vlerësuan maksimalisht me 6 vite  janë  private, Kolegji universitar LUARASI, Universiteti Marin Barleti , Universiteti katolik Zoja e Këshillit të Mirë  dhe Universiteti Polis.

Ndërsa ajo që bie në sy është  akreditimi i dobët i Universitetit të Tiranës ku nga procesi i vlerësimit është akredituar vetëm me një vit. Një ditë më parë  Agjencia e Sigurimit të Cilësisë në Arsimin e Lartë shpalli  raportin final të fazës së radhës për procesin e akreditimit  duke e vlerësuar këtë proces të suksesshëm nga i cili dolën gjetjet  me 147 përvojat më të mira  në institucionet e arsimit të lartë, 137 pikat e dobëta,  gjë e cila sipas ministres së Arsimit Lindita Nikolla  do të ndihmojnë në vendosjen e një balance për përmirësimin e mëtejshëm  të arsimit  në vend, përfshirë edhe  143 rekomandimet e shëndetshme të dhëna për 35 institucionet e përfshira në këtë proces.

Nertila Doko/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.