AKSHI hap tenderin për përmirësimin e Sistemit të Shërbimit Kombëtar të Punësimit – Mbi 107 milionë lekë në dispozicion!

Agjencia Kombëtare e Shoqërisë së Informacionit ka hapur tenderin për përmirësimin e Sistemit të Shërbimit Kombëtar të Punësimit. Fondi i vendosur në dispozicion është 107.047.200 lekë.

Afati kohor për dorëzimin e ofertave dhe kërkesave është deri më 08 korrik 2019, ora 12.00

Qëllimi i projektit është të rrisë cilësinë në shërbimet e punësimit, duke ndjekur dhe ruajtur historikun e punëkërkuesve, përmirësimin e kontakteve me biznesin, ndjekjen dhe historikun e vendeve të lira të punës, etj.

Afati kohor për ekzekutimin e projektit është 9 muaj si dhe 2 vite mirëmbajtje nga nënshkrimi i kontratës.

Jenida Vladi/ SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.