Aksident tragjik në detin Adriatik! Rrëzohet një helikopter, humb jetën një anëtar i ekuipazhit, tjetri zhduket
Një helikopter ushtarak kroat është rrëzuar në detin Adriatik gjatë një fluturimi trajnues këtë të hënë.
Reuters raporton se një nga dy personat që ndodheshin në helikopter ka humbur jetën ndërsa tjetri nuk është gjendur akoma.
Agjencia e njohur e lajmeve citon burime nga Ministria e Mbrojtjes që janë shprehur se helikopteri u rrëzua pranë ishullit Zlarin. Shkaku i aksidentit mbetet i paqartë.
“Po kërkojmë në mënyrë intensive për anëtarin tjetër të ekuipazhit” shprehet ministria në deklaratën e shpërndarë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.