Aksidentet rrugore/ Statistikat: Të rinjtë janë më të papërgjegjshmit!
Muaji qershor duket se i ka gjetur ‘të rinjtë’ më të shpërqëndruar në timon. Sipas Instat, 91.6 % e aksidenteve rrugore në këtë muaj kanë ardhur si pasojë e sjelljes së drejtuesit të mjetit.
E nga këta të fundit, numri më i lartë i aksidenteve, është kryer nga grupmosha 25-35 vjeç, duke zënë gjithsej 31.3 % të aksidenteve. Pas kësaj grupmoshe, më pak ‘të përgjegjshëm’ kanë rezultuar dhe drejtuesit e automjeteve nga mosha 45-60 vjeç, të cilët në 21.3 % të aksidenteve të ndodhura, kanë qënë shkaktar.
Grupmosha e cila rezulton më ‘e kujdesshme’ në timon, është ajo mbi 60 vjeç. Sipas Instat, nga 131 aksidente gjithsej në qershor, kjo grumposhë ka qënë shkaktare e 11 prej tyre.
Edhe pse asnjëra nga këto shifra nuk është një shifër pozitive në vetvete, vlen për t’u theksuar se në muajin qershor, numri i aksidenteve ka ndjerë ulje krahasuar me qershorin e vitit 2018.
Sipas Instat, numri i aksidenteve rrugore në qershor 2019 është 7.7 % më i ulët, nga çka qënë në të njëjtën periudhë të një viti më parë.
Jenida Vladi/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.