Aksioni në rrugët e Durrësit – Policia pezullon 64 patenta dhe vendos 674 masa administrative për shkelje të ndryshme
Dy shtetas janë arrestuar në flagrancë për drejtim mjeti në gjendje të dehur gjatë aksionit të ndërmarrë në fundjavë në vijim të zbatimit të planit për rritjen e sigurisë rrugore nga Policia Rrugore Durrës.
Po ashtu, kjo e fundit ka pezulluar edhe 64 leje drejtimi, 54 prej të cilave për shpejtësi mbi normat e lejuara si dhe 10 patenta për drejtues të mjeteve në gjendje të dehur.
Ndërkohë gjatë aksionit janë ndëshkuar edhe 38 drejtues mjetesh për mosvënie të rripit të sigurimit gjatë drejtimit të mjetit si dhe 73 drejtues të tjerë për parakalim të gabuar.
Ndërsa janë vendosur edhe 674 masa administrative për shkelje të ndryshme nga punonjësit e Qarkullimit Rrugor.
Policia Rrugore Durrës bën me dije se do të vijojnë kontrollet edhe në ditët në vijim si dhe në fundjavë me qëllim parandalimin e aksidenteve.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.