Aksioni për parandalimin e therjeve ilegale, AKU ndërhyn në vendet e fshehta, shtëpi e oborre
Autoriteti Kombëtar i Ushqimit, përveç masave për displimimin e therjes së kafshëve dhe tregtimit të mishit, gjatë të cilit u mbyllën 94 thertore, e ka shtrirë aksionin për parandalimin e therjes së kafshëve në vende ilegale, të fshehta, si shtëpi apo oborre.
Vetëm në 4 ditët e fundit janë zbuluar e penalizuar disa subjekte, që në mënyrë të fshehtë thernin kafshë dhe i tregtonin në dyqanet e tyre, ndërsa janë marrë masa edhe për parandalimin e tregtimit të peshkut dhe produkteve të tjera në kushte të papërshtatshme. Në disa zona të vendit janë gjobitur disa subjekte, ndërsa janë bllokuar disa qindra kilogram mish.
Në fshatin Domje, Tiranë, inspektorët gjetën pranë një subjekti një viç të sapotherur në kushte ilegale dhe të papërshtatshme në lidhje me garantimin e sigurisë ushqimore. Inspektorët e AKU bllokuan sasinë prej 206 kilogramësh mish dhe penalizuan subjektin me 250.000 lekë gjobë.
Ndërkohë, ne Poliçan, inspektorët e AKU-së gjetën dhe sekuestruan 110 kg mish gjedhi, 54.2 kg të imtash dhe 9.3 kg mish derri, sasi kjo e gjitha pa vulën dhe certifikatën e mjekut veteriner. Subjekti u gjobit në masën e 400.000 lekëve. Për këto arsye, dy subjekte në Lushnjë u gjobiten me nga 100.000 lek, ndërsa në Gjirokastër u sekuestruan 80 kg mish dhe subjekti u gjobit me 100.000 lek gjobë. AKU ka gjobitur disa subjekte edhe në Fushë-Krujë, Milot e Kamëz, ku janë bllokuar sasi mishi dhe peshku.
Aksioni në total, nga data 14 tetor 2017:
-Janë të regjistruara 111 subjekte për therje në të gjithë vendin, nga të cilat 51 thertore dhe 60 njësi therje.
-Janë mbyllur 94 subjekte therje (19 thertore dhe 75 njesi therje )
-Janë konstatuar 16 pika therje ilegale (12 në anekse njësi tregtimi mishi, 4 të paregjistruara në QKB si dhe 1 në një aneks restoranti)
-Janë inspektuar 272 dyqane tregëtimi mishi, ndaj të cilëve janë marrë 241 masa administrative gjobë dhe sekuestrim mjetesh apo/dhe produktesh të pasigurta, ku për 151 prej tyre është marrë masa nderprerje aktiviteti. Janë konstatuar 33 të paregjistruara.
-Është konfiskuar në total, 5007,85 kg mish, 1000 kg produkte mishi.
-Janë marrë 288 masa administrative gjobë
-Janë sekuestruar mjete pune si ganxha, thika, frigorifer etj.
-Janë inspektuar 17 subjekte tregtim peshku dhe është bërë konfiskimi i 950 kg peshk.
Ndërmjet datave 16 – 19.11.2017 jane kryer 19 inspektime me këto masa administrative:
-19 gjoba me vlerë 1.630.000 lekë
-11 ndërprerje aktiviteti
-Janë konfiskuar 359 kg mish, si dhe 12 kg peshk
-30 inspektime me masat administrative paralajmërim
-79 inspektime pa masa administrative.
E.Z/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.