Aktiviteti i biznesit në Eurozonë – Rritja e shërbimeve nuk kompenson tkurrjen në manifakturë
Aktiviteti i bizneseve në Eurozonë u rrit lehtë muajin e kaluar, por qëndroi i dobët në total, ndërkohë që rimëkëmbja modeste e industrisë së shërbimeve dështoi të kompensojë rënien e prodhimit të fabrikave. Duke shtuar shqetësimet për politikanët e Bankës Qendrore Europiane, treguesit për të ardhmen nuk patën rritje dhe pritshmëritë e bizneseve për vitin ishin në rënie. Indeksi PMI që formulohet nëpërmjet mijëra sondazhesh drejt sektorit privat u rrit, duke treguar një përmirësim të aktivitetit ekonomik në tremujorin e dytë. Megjithatë, analistët thonë se duke marrë parasysh dobësinë aktuale dhe pritshmëritë pesimiste, Banka Qendrore Europiane pritet të ofrojë më shumë stimuj.
Të dhënat tregojnë për një rritje të Produktit të Brendshëm Bruto me vetëm 0.2% në tremujorin e dytë. Indeksi i industrisë mbizotëruese të shërbimeve u rrit, ndërkohë që manifaktura ndodhet në tkurrjen e 5 radhazi mujore. Sipas sondazheve, firmat kanë përmendur luftën tregtare, tensionet gjeopolitike dhe ngadalësimin e ekonomisë botërore, në uljen e optimizmit të tyre.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.